وینزویلا میں مہنگائی کے طوفان کے خلاف مزدور سڑکوں پر نکل آئے

کراکس ( لیبر نیوز فارن ڈیسک) وینزویلا کی مختلف تجارتی یونینز اور محنت کش تنظیموں نے ملک بھر میں احتجاجی مظاہرے کرتے ہوئے کم از کم اجرت میں فوری اور بامعنی اضافے کا مطالبہ کر دیا ہے

 محنت کشوں کا موقف ہے کہ موجودہ تنخواہیں افراطِ زر اور مہنگائی کے سامنے بے معنی ہو چکی ہیں، جس سے لاکھوں خاندان خطِ غربت سے نیچے زندگی گزارنے پر مجبور ہیں۔

 مزدور رہنماؤں نے حکومت پر زور دیا ہے کہ وہ فوری طور پر سہ فریقی مذاکرات کا آغاز کرے تاکہ اجرتوں کو بنیادی ضروریاتِ زندگی کے برابر لایا جا سکے۔

وینزویلا میں گزشتہ دو سالوں سے سرکاری طور پر کم از کم اجرت میں کوئی بڑی تبدیلی نہیں کی گئی، جس کے باعث ورکرز میں شدید تشویش پائی جاتی ہے۔

 یونینز نے اعلان کیا ہے کہ اگر حکومت نے بجٹ میں ان کے مطالبات کو نظر انداز کیا تو احتجاج کا دائرہ کار وسیع کر دیا جائے گا۔

دوسری جانب ماہرینِ معیشت کا کہنا ہے کہ امریکی پابندیوں اور معاشی عدم استحکام کے باعث حکومت کے لیے تنخواہوں میں بڑا اضافہ ایک چیلنج ہے، تاہم مزدور طبقہ اب مزید انتظار کرنے کو تیار نہیں۔

خبریں پرنٹ کریں