واپڈا مزدور یونین کا ملک بھر کی بجلی بند کرنے کا الٹی میٹم

حیدرآباد (نمائندہ، لیبر نیوز وب ڈیسک )  آل پاکستان واپڈا ہائیڈرو الیکٹرک ورکرز یونین سی بی اے نے ملک بھر میں واپڈا نجکاری کے خلاف احتجاجی تحریک شروع کر دی ہے، سندھ بھر کی طرح حیدرآباد میں بھی لیبر ہال سے ہزاروں ملازمین نے ریلی نکالی اور حیدر چوک پر دھرنا دیا

احتجاجی ریلی سے خطاب کرتے ہوئے واپڈ یونین سی بی اے کے صدر عبداللطیف نظامانی نے کہا کہ واپڈا کی نجکاری واپس نہ لی گئی تو 16 جنوری سے ملک بھر کی بجلی بند کر دیں گے، حکومت کو IRA-2012 کے تحت 15 جنوری تک مطالبات کی منظوری کا نوٹس دیا جا چکا ہے۔ اگر مطالبات تسلیم نہ کیے گئے تو 16 جنوری سے ملک بھر میں بجلی کمپنیوں کے کمپیوٹر اور بلنگ سسٹم بند کر دیے جائیں گے، جس کی ذمہ داری حکومت پر ہو گی

مرکزی صدر نے کہا کہ نجکاری سے ہزاروں ملازمین بے روزگار ہوں گے،احتجاجی تحریک میں شریک محنت کش شرکاء نے کہا ہے منافع بخش بجلی کمپنیوں کی نجکاری، بھرتیوں کی بندش کسی صورت قبول نہیں، احتجاج میں خواتین ملازمین نے بھی بھرپور شرکت کی ہے

خبریں پرنٹ کریں