دہلی لال قلعہ دھماکے میں کشمری مزدور جاںبحق

سرینگر (لیبر نیوز ویب ڈیسک) نئی دہلی میں لال قلعہ کے قریب ہونے والے دھماکے میں جان سے جانے والے مزدور کی شناخت مقبوضہ جموں و کشمیر کے ضلع گاندربل سے تعلق رکھنے والے بلال احمد سانگو کے طور پر ہوئی ہے۔

بلال کا تعلق کنگن کے علاقے بابا نگری وانگتھ سے تھا اور وہ گزشتہ چھ برس سے دہلی میں مزدوری کر کے اپنے گھر والوں کی کفالت کر رہا تھا۔

کشمیر میڈیا سروس کے مطابق بلال احمد کی شناخت اہل خانہ نے ان تصویروں کے ذریعے کی جو انہیں حکام نے بھیجی تھیں، اہل خانہ نے حکام سے مطالبہ کیا ہے کہ بلال کی میت کو آخری رسومات کے لیے کشمیر منتقل کرنے کی اجازت دی جائے۔

بلال 2019 سے دہلی میں مختلف تعمیراتی مقامات پر مزدوری کر رہا تھا۔ مقامی لوگوں کے مطابق وہ گھر کا واحد کفیل تھا اور ملازمت نہ ملنے کے باعث کشمیر سے باہر کام کرنے پر مجبور ہوا۔

بلال کی ہلاکت پر لیبر تنظیموں نے مطالبہ کیا ہے کہ بیرون ریاست کام کرنے والے مزدوروں کے لیے سیکیورٹی پروٹوکول، لائف انشورنس اور ہنگامی معاوضے کا واضح نظام قائم کیا جائے۔

خبریں پرنٹ کریں