نمک کی برآمدات میں حائل رکاوٹیں دور کرنے کے لیے کسٹمز اور صنعتی نمائندوں میں اتفاق
محنت کشوں کے 51 ہزار بچوں کی دل کی اسکریننگ کا آغاز
لاہور( عامر سہیل ، ریذیدنٹ ایڈیٹر پنجاب ) حکومتِ پنجاب نے محنت کشوں کے بچوں کے لیے ایک بڑے طبی منصوبے کا آغاز کر دیا ہے جس کے تحت پنجاب ایمپلائز سوشل سیکیورٹی انسٹی ٹیوشن کے تحت بچوں میں دل کے امراض کی تشخیص کے لیے رومیٹک ہارٹ ڈیزیز اسکریننگ پروگرام شروع کیا گیا ہے
یہ منصوبہ رحمت للعالمین انسٹی ٹیوٹ آف کارڈیالوجی اور امریکہ کی معروف جانز ہاپکنز یونیورسٹی کے اشتراک سے شروع کیا گیا ہے اس پروگرام کے تحت ورکرز ویلفیئر اسکولوں کے 51 ہزار بچوں کے دل کی اسکریننگ کی جائے گی۔
پہلے مرحلے میں لاہور کے 4 ورکرز ویلفیئر اسکولوں میں اسکریننگ کا عمل جاری ہے، جس کا باقاعدہ آغاز نشتر ٹاؤن کے اسکول سے کر دیا گیا ہے۔
صوبائی وزیرِ محنت محمد منشاء اللہ بٹ کا کہنا ہے کہ محنت کشوں کے بچوں کو عالمی معیار کی طبی سہولیات فراہم کی جا رہی ہیں تاکہ مستقبل کے معماروں کو دل کے خطرناک امراض سے محفوظ رکھا جا سکے
