پیٹرولیم قیمتوں میں اضافے پر مہران پروگریسیو ایمپلائیز فیڈریشن کا احتجاج

حیدرآباد( لیبر نیوز ویب ڈیسک )  مہران پروگریسیو ایمپلائیز فیڈریشن کے صدر عبدالواحد شورو نے پیٹرول اور ڈیزل کی قیمتوں میں حالیہ اضافے کو مسترد کرتے ہوئے اسے مزدور طبقے پر معاشی حملہ قرار دیا ہے

انہوں نے کہا کہ حکومت کا یہ فیصلہ غریب عوام اور محنت کشوں کے ساتھ کھلی ناانصافی ہے، جو پہلے ہی کمر توڑ مہنگائی کے باعث شدید مشکلات کا شکار ہیں

عبدالواحد شورو نے واضح کیا کہ ایندھن کی قیمتوں میں اضافے سے اشیائے خوردونوش کی قیمتیں مزید بڑھ جائیں گی، جس سے دہاڑی دار مزدور کی زندگی اجیرن ہو جائے گی

فیڈریشن نے حکومت سے مطالبہ کیا ہے کہ اس ظالمانہ فیصلے کو فوری طور پر واپس لیا جائے اور غریب طبقے کو ریلیف فراہم کرنے کے لیے اقدامات کیے جائیں

خبریں پرنٹ کریں