سندھ ورکرز ویلفیئر بورڈ گورننگ باڈی کیس میں عدالت نے حکمِ امتناع ختم کر دیا

کراچی( لیبر نیوز کورٹ ڈیسک )  کراچی کی سول کورٹ میں سندھ ورکرز ویلفیئر بورڈ کی گورننگ باڈی کے نوٹیفکیشن کے خلاف دائر آئینی درخواست کی سماعت ہوئی

عدالت نے کیس میں فریقین کو جاری کردہ حکمِ امتناع اسٹے آرڈر ختم کرتے ہوئے تمام فریقین کو 16 اپریل تک تحریری جواب داخل کرنے کا حکم دے دیا ہے

سماعت کے دوران فریقین کے وکلاء نے عدالت سے استدعا کی کہ انہیں درخواست کی نقول فراہم کی جائیں تاکہ وہ اپنا موقف پیش کر سکیں

وکلاء نے یہ نکتہ بھی اٹھایا کہ اسی نوعیت کا ایک کیس سندھ ہائی کورٹ میں بھی زیرِ سماعت ہے، جس پر عدالت نے اسٹے آرڈر ختم کرتے ہوئے واضح کیا کہ کیس کی مزید کارروائی اسی عدالت میں جاری رہے گی

یاد رہے کہ اس سے قبل عدالت نے فریقین کی عدم پیشی پر فیصلے کی تنبیہ کی تھی تاہم اب تمام فریقین اپنے وکلاء کے ہمراہ عدالت میں پیش ہو چکے ہیں

خبریں پرنٹ کریں