آئی ایل او کا افریقہ کے ساحل خطے میں روزگار کے فروغ کے لیے تعاون کا اعلان

جنیوا ( لیبر نیوز فارن ڈیسک )  بین الاقوامی لیبر آرگنائزیشن  کے ڈائریکٹر جنرل گلبرٹ ہونگبو نے افریقہ کے ساحل  خطے میں روزگار کے مواقع بڑھانے کے لیے اتحادِ ساحل ریاستیں کے اقدامات کی بھرپور حمایت کا اظہار کیا ہے

آئی ایل او حکام کے مطابق ہونگبو اپریل میں اس خطے کا دورہ کریں گے جہاں وہ حکومتوں اور سماجی شراکت داروں سے ملاقاتیں کریں گے۔

اس دورے کا بنیادی مقصد نوجوانوں کے لیے روزگار کی فراہمی، ہنر مندی کے پروگراموں کا فروغ اور پائیدار معیشت کی تعمیر میں تعاون کرنا ہے۔

 آئی ایل او کے مطابق ساحل خطہ اس وقت بے روزگاری، غربت اور سکیورٹی چیلنجز کا شکار ہے، جس کے باعث وہاں مضبوط لیبر پالیسیاں اور سماجی تحفظ ناگزیر ہو چکا ہے۔ ڈائریکٹر جنرل نے زور دیا کہ علاقائی و عالمی شراکت داری ہی سے خطے میں معاشی استحکام ممکن ہے

خبریں پرنٹ کریں