آئی ائل او اور فیڈریشن آف ٹریڈ یونینز کے درمیان تعاون کا نیا معاہدہ طے پاگیا

بشکیک ( لیبر نیوز فارن ڈیسک )  کرغزستان میں مزدوروں کے حقوق کے تحفظ اور ٹریڈ یونین تحریک کو مضبوط بنانے کے لیے بین الاقوامی لیبر آرگنائزیشن  اور فیڈریشن آف ٹریڈ یونینز آف کرغزستان نے ایک مشترکہ ایکشن پلان پر دستخط کر دیے ہیں

اس معاہدے کا مقصد ملک میں سماجی و اقتصادی تعلقات کو بہتر بنانا اور بین الاقوامی معیارات کے مطابق مزدوروں کے لیے باوقار کام کے اصولوں کو رائج کرنا ہے

اس پلان کے تحت ٹریڈ یونینوں کی صلاحیتوں میں اضافے کے لیے تربیتی پروگرام، سیمینارز اور بین الاقوامی ماہرین کے تجربات سے استفادہ کیا جائے گا۔

ایف ٹی یو کے کے چیئرمین مرادِل زومادِلدے اولو نے اس شراکت داری کو تاریخی قرار دیتے ہوئے کہا ہے کہ اس سے مزدوروں کے حقوق کے تحفظ کے طریقہ کار کو جدید بنایا جا سکے گا۔

عالمی لیبر ماہرین کا کہنا ہے کہ یہ قدم نہ صرف کرغزستان کی لیبر مارکیٹ میں پائیدار ترقی کا باعث بنے گا بلکہ حکومت، مالکان اور ملازمین کے درمیان سماجی مکالمے کو بھی فروغ دے گا، جو کہ کسی بھی ترقی پذیر معیشت کے لیے ریڑھ کی ہڈی کی حیثیت رکھتا ہے

خبریں پرنٹ کریں