اماراتی اسٹاک مارکیٹس کریش، دبئی اور ابوظہبی میں شدید مندی

دبئی ( کامرس اینڈ ٹریڈ ڈیسک)  مشرقِ وسطیٰ میں ایران اور اسرائیل کے درمیان بڑھتی ہوئی کشیدگی اور میزائل حملوں کے نتیجے میں متحدہ عرب امارات کی اسٹاک مارکیٹس جمعہ کے روز شدید مندی کا شکار ہو گئیں

تہران کی جانب سے آبنائے ہرمز کی بندش اور خطے میں امریکی اڈوں کو نشانہ بنانے کی دھمکیوں نے سرمایہ کاروں کے جذبات کو غیر مستحکم کر دیا ہے۔ دبئی کا مرکزی شیئر انڈیکس 1 فیصد گر گیا، جس میں ایماار پراپرٹیز اور ایمریٹس این بی ڈی جیسے بڑے اداروں کے حصص میں نمایاں کمی دیکھی گئی۔

ابوظہبی کا اسٹاک انڈیکس بھی 1.4 فیصد کی کمی کے ساتھ بند ہوا، جہاں فرسٹ ابوظہبی بینک کے حصص میں 3.8 فیصد کی گراوٹ ریکارڈ کی گئی۔ امریکی صدر ڈونلڈ ٹرمپ کی جانب سے ایرانی قیادت پر سخت تنقید اور آبنائے ہرمز سے عالمی تیل کی سپلائی رکنے کے خدشات نے عالمی منڈیوں کو خوفزدہ کر دیا ہے

خبریں پرنٹ کریں