صنعتی پیک آورز ٹیرف پر مذاکرات تعطل کا شکار

کراچی ( لیبر نیوز کامرس اینڈ ٹریڈ ڈیسک ) صنعتی شعبے کے لیے بجلی کے پیک آورز ٹیرف کے خاتمے کے معاملے پر پاور ڈویژن، اپٹما اور پی پی ایم سی کے درمیان مذاکرات تعطل کا شکار ہو گئے ہیں۔ اختلاف کی وجہ لوڈ فیکٹر ڈیٹا کے تجزیات بتائے گئے ہیں

اپٹما نے وزیراعظم آفس کو صورتحال سے آگاہ کیا ہے اور نیپرا میں سماعت کے دوران پاور ڈویژن نے بتایا کہ حکومت جلد نیپرا سے رجوع کرنے کا ارادہ رکھتی ہے

ایسوسی ایشن کا مؤقف ہے کہ موجودہ لوڈ فیکٹر اور صنعتی مطالبات کے مطابق ٹیرف کے اثرات کا درست تعین ہونا چاہیے، جبکہ پی پی ایم سی کا کہنا ہے کہ اضافی بوجھ کے سبب مہنگے پلانٹس چلانے کی وجہ سے ٹیرف میں اضافہ ہو سکتا ہے

یہ معاملہ صنعتوں کے اخراجات اور بجلی کے ٹیرف کے مستقبل پر اہم اثرات رکھتا ہے اور فریقین کے درمیان حل تلاش کرنے کی کوششیں جاری ہیں

خبریں پرنٹ کریں