کینیا میں معذور افراد اور مزدور تحریکوں کا اتحاد

نائیروبی ( لیبر نیوز فارن ڈیسک ) کینیا میں معذور افراد کی تنظیموں اور مزدور یونینوں نے باعزت روزگار، مساوی حقوق اور محفوظ کام کے حالات کے حصول کے لیے مشترکہ جدوجہد شروع کر دی ہے۔

اس اتحاد کا مقصد معذور کارکنان کو روزگار کے مواقع میں مکمل شمولیت، مساوی اجرت اور بہتر ورکنگ کنڈیشنز کی فراہمی ہے، کیونکہ معذور افراد کو دنیا بھر میں روزگار تک محدود رسائی اور کم اجرت جیسے مسائل کا سامنا رہتا ہے۔

یہ تحریک سینٹرل آرگنائزیشن آف ٹریڈ یونینز اور یونائیٹڈ ڈس ایبلڈ پرسنز آف کینیا کے اشتراک سے چل رہی ہے، جو مزدوروں کو لیبر حقوق، تربیت اور اجتماعی تنظیم سازی میں مدد فراہم کر رہی ہیں، خصوصاً غیر رسمی شعبے میں جہاں قانونی تحفظ کمزور ہے۔

تحریک کے تحت مزدوروں، کسانوں اور معذور خواتین و مرد کارکنان کو منظم کر کے ان کی آواز مضبوط بنانے اور محفوظ و منصفانہ روزگار کے مواقع پیدا کرنے کی کوششیں جاری ہیں۔

خبریں پرنٹ کریں