ورکرز ویلفیئر فنڈ کا مزدوروں کے بچوں کو فیس میں رعایت دینے کی ہدایت

اسلام آباد (نمائندہ،  لیبر نیوز ویب ڈیسک) ورکرز ویلفیئر فنڈ کی ہائر ایجوکیشن ریفارمز کمیٹی کے اجلاس میں فیصلہ کیا گیا ہے کہ محنت کشوں کے بچوں کو اعلیٰ تعلیم کے حصول میں درپیش مسائل کے حل کے لیے ہائر ایجوکیشن کمیشن (ایچ ای سی) جامعات کو فیس میں خصوصی رعایت دینے کی ہدایات جاری کرے گا، جبکہ فیس کی ادائیگی میں تاخیر کی صورت میں طلبہ کو ہراساں یا تعلیم سے محروم نہیں کیا جائے گا

کمیٹی کے اجلاس میں ہائر ایجوکیشن کمیشن کے نمائندے نے یقین دہانی کروائی کہ ورکرز ویلفیئر فنڈ کی تجاویز اور مسائل کے حل کے لیے ایک خصوصی کمیٹی تشکیل دی جائے گی جو تمام امور کا تفصیلی

جائزہ لے کر سفارشات مرتب کرے گی

اجلاس میں اس عزم کا اظہار کیا گیا کہ حکومت اور متعلقہ ادارے محنت کشوں کے بچوں کو اعلیٰ تعلیم کے میدان میں تنہا نہیں چھوڑیں گے اور ان کے تعلیمی مستقبل کے تحفظ کے لیے یکساں اور مؤثر پالیسی پر عملدرآمد یقینی بنایا جائے گا

خبریں پرنٹ کریں