وطن دوست مزدور فیڈریشن کے رہنماؤں کا ترجمان جمیل نواب بھٹی سے شریکِ حیات کی وفات پر تعزیت

سکھر ( لیبر نیوز ویب ڈیسک) وطن دوست مزدور فیڈریشن پاکستان کے مرکزی صدر سید رحمت علی شاہ اور مرکزی جنرل سیکریٹری گلشیر شر نے تحصیل میروخان کا دورہ کیا۔ اس موقع پر مرکزی وائس چیئرمین حافظ ناظم بگھیو اور بدرالدین پھنیار بھی ان کے ہمراہ تھے

مرکزی رہنما حاجی حاکم علی خان گوپانگ رائس مل میروخان پہنچے، جہاں انہوں نے فیڈریشن کے مرکزی پریس ترجمان اور رائس فیکٹریز مزدور یونین میروخان کے صدر جمیل نواب بھٹی سے ان کی شریکِ حیات کی ناگہانی وفات پر گہرے دکھ اور افسوس کا اظہار کیا۔

رہنماؤں نے مرحومات کی مغفرت اور درجات کی بلندی کے لیے فاتحہ خوانی کی اور دعائے خیر فرمائی۔ اس موقع پر انہوں نے جمیل نواب بھٹی اور ان کے غم زدہ خاندان سے اظہارِ ہمدردی کرتے ہوئے کہا کہ دکھ کی اس گھڑی میں پوری فیڈریشن اپنے ساتھی کے ساتھ برابر کی شریک ہے۔

خبریں پرنٹ کریں