بھارت میں توانائی کی منتقلی کے عمل میں مزدوروں کا عالمی احتجاج

نئی دہلی( روپا سنگھ، نمائندہ لیبر نیوز بھارت ) صنعتی شعبے کی عالمی تنظیم انڈسٹری آل نے بھارت میں توانائی کے ذرائع کی تبدیلی کے عمل پر کڑی تنقید کرتے ہوئے کہا ہے کہ اس اہم موڑ پر لاکھوں مزدوروں کو پالیسی سازی سے باہر رکھا گیا ہے

انڈسٹری آل کے مطابق کوئلے اور روایتی ایندھن سے ماحول دوست توانائی کی طرف منتقلی کے دوران مزدوروں کے مستقبل اور روزگار کے تحفظ کے لیے کوئی ٹھوس منصوبہ بندی نہیں کی گئی۔ یونین رہنماؤں کا کہنا ہے کہ جسٹ ٹرانزیشن  کے بغیر یہ تبدیلی سماجی عدم مساوات کا باعث بنے گی

بھارتی ٹریڈ یونینز نے مطالبہ کیا ہے کہ حکومت بجلی گھروں اور کانوں کی بندش سے متاثر ہونے والے خاندانوں کے لیے متبادل روزگار اور سماجی تحفظ کو یقینی بنائے۔ ماہرین کے مطابق، اگر مزدوروں کے خدشات دور نہ کیے گئے تو بھارت کی سبز توانائی کی مہم کو بڑے پیمانے پر عوامی مزاحمت کا سامنا کرنا پڑ سکتا ہے

خبریں پرنٹ کریں