یوکرین اور جرمن ٹریڈ یونین فیڈریشن کے درمیان لیبر قوانین بہتربنانے کا معاہدہ

کیف ( لیبر نیوز فارن ڈیسک ) یوکرین اور جرمنی کی ٹریڈ یونینز کے نمائندوں نے ایک حالیہ اجلاس میں دوطرفہ تعاون کو فروغ دینے اور محنت کشوں کے حقوق کے تحفظ کے لیے تجربات کے تبادلے پر اتفاق کیا ہے۔

 اس شراکت داری کا مقصد یوکرین میں جاری جنگی صورتحال کے دوران مزدوروں کے سماجی و معاشی مفادات کا تحفظ اور یورپی معیارات کے مطابق لیبر قوانین کی بہتری ہے۔

جرمن ٹریڈ یونین فیڈریشن نے یوکرینی ہم منصبوں کو یونین سازی، اجتماعی سودے بازی اور بحرانی حالات میں ملازمین کی مدد کے حوالے سے اپنی مہارت فراہم کرنے کی یقین دہانی کرائی ہے

اجلاس میں اس بات پر زور دیا گیا کہ پائیدار ترقی اور معاشی بحالی کے لیے مضبوط ٹریڈ یونینز کا ہونا ناگزیر ہے۔ دونوں ممالک کے رہنماؤں نے مستقبل میں مشترکہ تعلیمی پروگرامز اور تربیتی ورکشاپس کے انعقاد پر بھی تبادلہ خیال کیا تاکہ محنت کشوں کو جدید چیلنجز سے نمٹنے کے لیے تیار کیا جا سکے۔

خبریں پرنٹ کریں