آئی ایل او کنونشن 190 کی سالگرہ، دنیا بھر میں کام کی جگہوں پر تشدد اور ہراسانی کے خاتمے کے عزم کا اعادہ

جنیوا( لیبر نیوز ویب ڈیسک )  انٹرنیشنل لیبر آرگنائزیشن کے کنونشن نمبر 190 اور سفارشات نمبر 206 کی منظوری کی سالگرہ کے موقع پر مزدور تنظیموں نے تمام ملازمین کے لیے محفوظ، صحت مند اور جامع کام کے ماحول کی فراہمی کے عزم کا اعادہ کیا ہے۔

عالمی سطح پر جاری کردہ بیانات میں کہا گیا ہے کہ کام کی جگہوں پر تشدد اور ہراسانی صنفی مساوات، باوقار روزگار اور یکساں مواقع کی راہ میں سب سے بڑی رکاوٹ ہیں۔

ان برائیوں کا خاتمہ نہ صرف محنت کشوں کے تحفظ بلکہ سماجی انصاف، عزتِ نفس اور احترام کے فروغ کے لیے بھی ناگزیر ہے۔ مزدور تنظیموں نے اس بات پر زور دیا ہے کہ عالمی ٹریڈ یونینز کنونشن 190 کی توثیق اور نفاذ کے لیے کلیدی کردار ادا کر رہی ہیں تاکہ حفاظتی اقدامات کو مضبوط بنایا جا سکے۔ اب وقت آ گیا ہے کہ ان وعدوں کو عملی جامہ پہنا کر ہر ورکر کو محفوظ اور بااختیار بنایا جائے۔

خبریں پرنٹ کریں