نائیجیریا لیبر کانگریس نے ٹیکسٹائل صنعت کی بحالی کی حمایت کا اعلان کردیا

ابوجا ( لیبر نیوز فارن ڈیسک ) نائیجیریا کی مزدور تنظیم نے حکومت کے ٹیکسٹائل صنعت کو بحال کرنے کے منصوبے کی حمایت کا اعلان کیا ہے۔ مزدور رہنماؤں کے مطابق اس اقدام سے ماضی میں ختم ہونے والی تقریباً ساڑھے چھ لاکھ ملازمتوں کی واپسی ممکن ہو سکتی ہے۔

نائیجیریا ماضی میں افریقہ میں ٹیکسٹائل پیداوار کا اہم مرکز تھا، مگر سمگلنگ، مہنگی توانائی اور معاشی مشکلات کے باعث متعدد ملیں بند ہو گئیں۔ مزدور تنظیموں نے حکومت سے مطالبہ کیا ہے کہ مقامی صنعت کو سستی بجلی فراہم کی جائے اور درآمدی خام مال پر ٹیکس میں رعایت دی جائے تاکہ عالمی منڈی میں مقابلہ ممکن ہو سکے۔

لیبر ماہرین کے مطابق ٹیکسٹائل سیکٹر کی بحالی سے نہ صرف روزگار کے مواقع بڑھیں گے بلکہ ملکی معیشت کو بھی تقویت مل سکتی ہے۔

خبریں پرنٹ کریں