جنوبی کوریا کی بڑی لیبر یونین کا کاکاؤ ملازمین کی ہڑتال کی حمایت کا اعلان

سیول ( لیبر نیوز ویب ڈیسک )  جنوبی کوریا کی لیبر یونین نے کاکاؤ کے ملازمین کی جاری ہڑتال کی کھل کر حمایت کر دی ہے، جس سے پانگیو کے آئی ٹی اور گیمنگ سیکٹر میں یکجہتی کی ایک نئی لہر پیدا ہو گئی ہے

این سی یونین نے اپنے بیان میں کاکاؤ یونین کی حالیہ ہڑتالوں کو جائز قرار دیتے ہوئے کہا کہ یہ احتجاج انتظامیہ کی ناکامیوں کا بوجھ ملازمین پر ڈالنے کے غیر معقول ڈھانچے کو درست کرنے اور ذمہ دارانہ انتظام کے اصولوں کو برقرار رکھنے کے لیے ہے

انہوں نے مؤقف اختیار کیا کہ کمپنیوں کی کارکردگی بہتر ہونے پر صرف اعلیٰ حکام جشن مناتے ہیں جبکہ برے وقت میں قربانی مزدوروں سے مانگی جاتی ہے جو تضاد ہے

واضح رہے کہ کاکاؤ یونین نے تنخواہوں کے مذاکرات، کارکردگی کے معاوضوں میں امتیازی سلوک اور الحاق شدہ کمپنیوں میں ملازمت کے عدم تحفظ کے خلاف ہڑتال کر رکھی ہے جبکہ کمپنی نے ان کے مطالبات کو ضرورت سے زیادہ قرار دیا ہے

خبریں پرنٹ کریں