اقوامِ متحدہ کے فورم سے قبل انٹرنیشنل ٹریڈ یونین کنفیڈریشن  کی ہسپانوی فیمنسٹ پالیسی کی تعریف

نیویارک ( لیبر نیوز فارن ڈیسک) اقوامِ متحدہ کے پائیدار ترقیاتی اہداف  سے متعلق اعلیٰ سطحی سیاسی فورم سے قبل انٹرنیشنل ٹریڈ یونین کنفیڈریشن  نے سپین کی فیمنسٹ کوآپریشن سٹریٹیجی کو سراہتے ہوئے اسے سوشل ڈائیلاگ کی کامیابی قرار دیا ہے۔

آئی ٹی یو سی کے مطابق یہ پالیسی ٹریڈ یونینز، مالکان اور سول سوسائٹی کے تعاون سے تیار کی گئی ہے، جو مساوات اور ورکرز کے حقوق کی ضامن ہے۔ سپین کی حکومت نے یہ حکمتِ عملی دسمبر 2025ء میں منظور کی تھی جس کا بنیادی مقصد ترقیاتی منصوبوں میں صنفی مساوات کو یقینی بنانا ہے۔

عالمی یونین کے جنرل سیکرٹری لک ٹرائی اینگل نے واضح کیا کہ 2026ء میں آئی ٹی یو سی کی مہم کا بنیادی مقصد دنیا بھر میں اجتماعی سوداکاری اور جمہوری حقوق کا تحفظ ہے۔ دوسری جانب اقوامِ متحدہ کا فورم پائیدار ترقی کے اہداف پر پیشرفت کا جائزہ لے کر اختتامی اعلامیہ جاری کرے گا۔