عالمی ٹریڈ یونین کا جسٹ ٹرانزیشن تربیتی ماڈیولز متعارف کرانے کا اعلان
لندن/ جنیوا( لیبر نیوز فارن ڈیسک ) ماحولیاتی بحران اور گرین اکانومی صنعتی منتقلی کے پیشِ نظر دنیا بھر کے محنت کشوں کو شدید چیلنجز کا سامنا ہے۔
اس صورتحال میں ٹریڈ یونینز نے ایک ماحول دوست اور منصفانہ نظامِ معیشت کی جانب منتقلی کو یقینی بنانے کے لیے اپنی سرگرمیاں تیز کر دی ہیں، تاکہ ورکرز کے حقوق کا تحفظ، معیاری روزگار کی فراہمی اور کسی بھی مزدور کو تنہا نہ چھوڑنے کے ہدف کو حاصل کیا جا سکے۔
اس اہم مقصد کے تحت یونین رہنماؤں نے تمام سطح کے ملازمین اور مزدور رہنماؤں کے لیے خصوصی شراکتی تربیتی ماڈیولز تیار کیے ہیں۔ ٹریڈ یونینز کی جانب سے تیار کردہ یہ ماڈیولز عملی، استعمال میں آسان اور حالات کے مطابق ڈھالنے کے لیے موزوں ہیں۔
یہ تربیتی پروگرام فی الحال انگریزی، فرانسیسی اور عربی زبانوں میں دستیاب ہیں، جبکہ جلد ہی دیگر زبانوں میں بھی پیش کیے جائیں گے تاکہ عالمی سطح پر مزدوروں کی استعداد کار میں اضافہ کیا جا سکے۔