جدہ کے صنعتی شعبے میں حفاظتی کلچر کا فروغ، مدن کا ورکشاپ کا انعقاد
جدہ ( لیبر نیوز خلیج ڈیسک ) سعودی صنعتی شہروں اور تقاضوں کی اتھارٹی مدن نے جدہ کے پہلے صنعتی شہر میں پیشہ ورانہ صحت و سلامتی کے حوالے سے ایک خصوصی ورکشاپ کا انعقاد کیا ہے
اس ورکشاپ کا بنیادی محور قیادت اور اعلیٰ انتظامیہ کے نقطہ نظر سے صنعتی تحفظ و سلامتی کے کلچر کو فروغ دینا تھا
اس اہم اقدام کا مقصد کارخانوں کی انتظامیہ اور مینیجرز کو حفاظتی نظام کی مؤثر سربراہی کے لیے بااختیار بنانا ہے۔ ورکشاپ کے دوران اس بات پر زور دیا گیا کہ صنعتی ماحول میں ایسے پائیدار طریقے اپنائے جائیں جو افرادی قوت کے تحفظ کو یقینی بنائیں اور مزدوروں کے لیے کام کا سازگار اور محفوظ ماحول فراہم کریں
مدن کے حکام کے مطابق اعلیٰ انتظامیہ کی سطح پر حفاظتی اصولوں کی پاسداری سے نہ صرف حادثات میں کمی لائی جا سکتی ہے بلکہ کارخانوں کی پیداواری صلاحیت میں بھی اضافہ ممکن ہے۔